Барселона летово конечно ја оствари желбата, да го доведе во своите редови, Антоан Гризман, но се чини дека управата сега жали за овој потег. Управата и тренерот Ернесто Валверде сè уште велат дека му е потребно време на Французинот да се вклопи во новиот тим, но никако да почне да ги оправдува огромните пари вложени во него.

Згора на тоа, навивачите го губат трпението и на последните неколку натпревари на „Камп Ноу“ тој редовно е исвиркуван.

Но, каталонските медиуми, поточно „Спорт“ објави дека постои голема можност тој по само една година може да си замине од Барселона. „Спорт“ пишува дека и Гризман полека го губи трпението и се погласно зборува дека направил погрешен избор. Наводно, ПСЖ кој со години се обидува да го ангажира, будно ја следи ситуацијата и планира идното лето да достави понуда за ангажман на Гризман.