Најновото засилување на Барселона, Антоан Гризман, го одработи првиот тренинг со новите соиграчи. Тој не го криеше воодушевувањето од доаѓањето во каталонскиот клуб и можноста да игра со Лионел Меси.

– Тоа што ме прави најреќен е играњето со Меси. Тој ќе биде легенда и за мојот син и за неговите деца. Меси за фудбалот е тоа што Леброн Џејмс е за кошарката, вистинска легенда – изјави Гризман.

?? French connection ??
? @samumtiti @AntoGriezmann @Dembouz pic.twitter.com/KYkAnFvP2d

— FC Barcelona (@FCBarcelona_es) July 15, 2019

Французинот исто така откри дека е одлично примен од новите соиграчи иако го навлече нивниот гнев откако минатата година јавно објави дека останува во Атлетико Мадрид, и ја одби понудата од Барселона.
– Доколку треба да се извинам, тоа ќе го направам на теренот. Тоа е најдобро место за да се извинам – додава Гризман.