Гризман и следната сезона ќе игра за Барселона!
Иако многу се шпекулира, клубот од „Камп Ноу“ успеа да го убеди Французинот дека нема да се најде на трансфер листата во летниот период.
Францускиот репрезентативец се очекува и следната натпреварувачка сезона (2020/2021) да ги брани боите на Барселона, информира „Л`Екип“.
Клубот од „Камп Ноу“ успеа да го убеди Антоан Гризман дека нема да се најде на трансфер листата во летниот период.
Претставниците на Барса го уверија напаѓачот дека клубот и натаму смета на неговите услуги, и покрај шпекулациите кои се вртеа изминатиот период околу иднината на Французинот.
Оваа сезона досега сезоната Гризман запиша 44 мечеви со реализирани 15 гола и четири асистенции.
Врвни екипи покажуваат интерес за актуелниот светски шампион кој има важечки договор со Барселона до 30 јуни 2024 година и моментно според „Трансфермаркт“ вреди 96 милиони евра.