Грипот однесе уште пет жртви
Во текот на изминатата недела, регистрирани се пет нови смртни случаи од грип, од кои кај две лица е утврдена претходна хронична болест – коморбидитет.
Смртните случаи се регистрирани кај лица од Скопје, Делчево, Крива Паланка, Охрид и Тетово. Возраста на починатите се движи од 39 до 75 години.
Во текот на сезоната 2018-19, регистрирани се вкупно 28 смртни случаи асоцирани со грип, на возраст од 5 до 86 години.
Најголем број од починатите лица се жители на подрачјето на ЦЈЗ Скопје (13), 4 лица се од Охрид, по 2 од Кичево, Кавадарци, Делчево и Тетово, и по еден смртен случај е пријавен во Ресен, Крива Паланка и Валандово. Кај 20 лица (71,4%) е утврдено постоење на други заболувања.