Додека во поголемиот дел од албанските општини процесот на броењето на гласовите заврши, на површина се појавија и првите проблеми, кои предизвикаале сомнеж за начинот на објавувањето на победниците, јавува Топ Чанел.

Во некои општини, каде што дури кандидатите немаа ривали, се покажа дека добиле многу „фантом“ гласови, каде што бројот на граѓаните кои учествувале на изборите е многу пати помал од гласовите објавени на официјалната страница на Централната изборна комисија.

Истиот медиум набројува неколку општини каде кандидатите победиле со повеќе гласови отколку реалните гласачи како што е случај во Ура Вајгуроре, Малесиа е Маде, Дивјак, Вора, Мемалиај, Лушња, Химара, Булкиза.

Инку, од досегашните резултати од локалните избори во Албанија, се гледа дека победници се кандидатите подржани од Социјалистичката партија на Албанија. Партијата Демократско убедување досега не победи во ниту една општина било за градоначалник или општински советници.

Вчерашните избори во Албанија се одржаа без учество на опозицијата, а излезеноста изнесуваше само 21,6 проценти низ целата територија.