Гренел ја откажа посетата на Приштина
Портпаролот на Гренел, Дик Кастин изјави дека посетата е откажана зашто сите партии не се подготвени за такво нешто.
Специјалниот претставник на американскиот претседател Доналд Трамп за дијалогот меѓу Белград и Приштина, Ричард Гренел ја откажа посетата на Приштина.
Според Газета, посетата е откажана поради застојот во преговорите на Демократскиот сујоз на Косово и Движењето Самоопределување за формирање на нова влада.
Портпаролот на Гренел, Дик Кастин изјави дека посетата е откажана зашто сите партии не се подготвени за такво нешто. Меѓутоа, не се знае на кои партии се мисли.
Доцнењето во формирањето на нови институции во Приштина по изборите на 6 октомври ги наведе странските амбасади и меѓународните претставници да се ангажираат во постигнување коалициски договор меѓу Самоопределување и ДСК.
Во таквата ситуација Гренел планираше да го посети Косово.