Грег Попович за историја, стана тренер со највеќе победи во НБА лигата
Сан Антонио спарс со 104:102 ја совлада Јута џез, а тренерот на „мамузите“ Грег Попович влезе во историјата на НБА лигата. Ова беше 1.336 победа на Попович во тренерската кариера и го помина Дон Нелсон кој остана на 1.335 победи во регуларниот од сезоните во НБА лигата.
1,336.. Gregg Popovich stands alone! pic.twitter.com/R134kESQGS
— NBA (@NBA) March 12, 2022
Легендарниот Попович до историскиот подвиг дојде во 2030 натпревар и тоа во својата 26 сезона во Сан Антонио. Попович целата тренерска кариера ја помина само во еден клуб, Сан Антонио со кого освои пет шампионски титули.
– Ова е рекорд на сите нас, не мој туку е наш. Вакво постигнување не може да му се припише само на еден човек. Кошарката е тимски спорт – изјави Попович по натпреварот.