Грчкото Министерство за надворешни работи денеска објави дека оваа земја по примерот на ЕУ ќе го признае лидерот на опозицијата во Венедуела, Хуан Гваидо, информираат тамошните медиуми.

„Владата на Република Грција срдечно ги поддржува напорите на ЕУ кои се насочени кон постигнување мирно, демократско решение за кризата во полза на венецуелскиот народ“, стои во официјалното соопштение на Министерството.

Претходната левичарска влада на Грција се воздржа од признавањето на Гваидо, кој во јануари самиот се прогласи за преседател на Венецуела до одржувањето на нови избори.

Повеќето светски сили веруваат дека реизборот на претседателот Николас Мадуро минатата година бил наместен.