Грција од сабота во целосен карантин до 30 ноември

epa08798453 People wearing protective masks pass by closed restaurant in the area of Thiseio under the Acropolis Hill in central Athens, Greece, 04 November 2020. Greek government has decided that all cafes and restaurants will be closed in all high risk regions all over the country in order to stem the spread of the coronavirus (Covid-19) disease. Greece has been experiencing a rising rate of coronavirus infections, authorities said, with 26 regions in 'red alert', particularly in Thessaloniki and Serres, which were placed under full lockdown for the next two weeks. EPA-EFE/PANTELIS SAITAS

Од сабота наутро Грција влегува во целосен, втор карантин во траење од три седмици, а отворени ќе останат градинките, забавиштата и основните училишта,  јави дописничката на МИА од Атина.

Грчкиот премиер Кирјакос Мицотакис заедно со шефот на Комисијата на епидемиолози во Министерството за здравство на Грција, професорот Сотирис Циодрас, на прес конференција, што е во тек, ги соопштуваат новите мерки за справување со епидемијата.

-Како што знаете донесовме одлука од сабота во 6 часот наутро, откажување активности, кои ќе трае три седмици до 30 ноември, истакна Мицотакис.

Исто како и за време на првиот карантин, движењето за граѓаните ќе биде само за конкретни причини и само со претходно испратена смс порака.

Отворени, освен градинките и основните училиштата, ќе бидат и супермаркетите, аптеките, бензинските станици, а сѐ останато е затворено, средните училишта, универзитетите, продавниците, фризерски салони, фитнес центрите, кафулињата и рестораните итн.

Новиот локдаун доаѓа по драстичното зголемување на бројот на нови случаи на дневно ниво, како и на бројот на пациенти приклучени на апарати и зголемениот притисок врз здравствениот систем.

Мицотакис рече дека во изминатите пет дена има агресивно зголемување на новозаразените, односно како што истакна, „речиси 10.000 случаи за пет дена”, а додаде дека има и големо зголемување на хоспитализираните и на пациентите приклучени на апрати.

-Овој бран треба да го запреме, истакна грчкиот премиер.

Во периодот од 23 март до 4 мај годинава Грција беше во целосен карантин.

По прес конференцијата на Мицотакис и Циодрас, во 15 часот по локално време министерот за финансии на Грција ќе презентира пакет мерки за економска поддршка, додека пак заменик-министерот за цивилна заштита заедно со заменик-министерот за здравство и генералниот секретар за трговија и заштита на потрошувачи ќе го презентираат начинот на имплементација на мерките.

Извор:МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот