Грција испрати во Германија 90 бегалци – семејства со деца со сериозни здравствени проблеми

Германскиот амбасадор во Грција Ернст Рајхел истакнал дека Германија продолжува да прима болни деца и деца кои имаат потреба од болничка нега, а се сместени на грчките острови.

Од Грција за Германија денеска заминаа 90 баратели на азил -семејства со деца со сериозни здравствени проблеми, кои беа сместени во прифатните центри на грчките острови, јави дописничката на МИА од Атина.

Во рамките на европската солидарност, како што соопштуваат од Министерството за миграција и азил на Грција, Германија ќе прими 243 деца со сериозни здравствени проблеми, односно вкупно 928 бегалци, со оглед на тоа дека од грчките острови децата заминуваат со нивните семејства.

-Грчко- германската соработка во мигрантското прашање докажува дека, кога постои политичка волја и професионализам, принципот на солидарност се претвора во спроведена и ефективна политичка активност, рекол алтернативниот министер за миграција и азил на Грција Јоргос Кумуцакос.

Германскиот амбасадор во Грција Ернст Рајхел истакнал дека Германија продолжува да прима болни деца и деца кои имаат потреба од болничка нега, а се сместени на грчките острови.

-На овој начин, ние даваме јасен знак за европска солидарност. На тешкиот пат кон заедничка европска политика за азил, солидарноста на сите партнери во ЕУ е апсолутно неопходна, рекол Рајхел.

Ова е втората група бегалци што од Грција заминува за Германија, откако  минатата седмица веќе заминаа 80 баратели на азил.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот