Грчкиот премиер Алексис Ципрас најави намалување на даноците и бенефициите во обид да го зголеми рејтингот на неговата партија пред трoјниот предизборен предизвик, кој започнува овој месец.

Пред европските и локалните избори на 26. мај и националните избори на крајот на годината, Ципрас најави намалување на даноците на храната и енергијата „па така Грците ќе ја почувствуваат што е можно побрзо … обновата на економијата“.

На прес-конференцијата Ципрас рече дека штедењето и најдобрите од очекуваните економски резултати, исто така ќе и овозможат на Грција да откупи назад 3.6 милијарди евра „скапи“ кредити од ММФ.

Други 1,14 милијарди евра оваа година ќе дозволат намалување на данокот на храната до 13% од 24% во моментов, а енергетскиот данок ќе биде преполовен од 13% на 6%, рече премиерот.

Ципрас се бори да ја стигне главната опозициска конзервативна партија „Нова демократија“, која има стабилно водечко место во анкетите.