Грчкото обвинителство ќе спроведува истраги за лицата што не ги почитуваат препораките
„Прашањето на личната одговорност, за жал, е многу ниско. Говориме за луѓе што треба да се во нивните домови, а не да излегуваат“ вели градоначалникот на Пиргос, Панајотис Андонакопулос.
Сите граѓани што се заразени или имаат симптоми на коронавирус, а не ги почитувале препораките да останат дома во изолација ќе се соочат со обвинение за сторено кривично дело… Обвинителството од грчката област Илиас веќе почнало со повикување на сведоци, меѓу кои е и градоначалникот на Пиргос, Панајотис Андонакопулос, кој алармираше дека дел од луѓето наместо да се во домашна изолација излегуваат надвор.
„Прашањето на личната одговорност, за жал, е многу ниско. Говориме за луѓе што треба да се во нивните домови, а не да излегуваат“, порача градоначалникот потенцирајќи дека тоа е кривично дело…