Ги одржуваат шансите за таа трета позиција во квалификациската група, освен „чудо“ во Струмица, ќе се надеваат воедно и на триумф на Исланѓаните против Турција.

– Навистина импресивно чувство после ремито со Исланд. Важно е за нас дека напредувавме. Оптимист сум пред гостувањето во Струмица, имаме млади играчи кои што го покажуваат својот голем талент на терените – вели селекторот на Грција, Јани Арванитис.

Да потсетиме, дека нашата селекција во првиот меѓусебен дуел во Кожани изненадувачки загуби 28:26. Тој пораз сите ги шокираше, но се вративме со трите бода во дуелите со Исланд, како и со последниот важен гостински триумф над Турција.

Дуелот ќе се игра утре во салата „Парк“ во Струмица, се очекуваат полни трибини и се надеваме дека избраниците на селекторот Брестовац со победа ќе го завршат квалификацискиот циклус.

Со нови бодови „црвено-жолтите“ ќе го потврдат првото место и подобра позиција пред извлекувањето на групите за ЕУРО 2020.