Грчки великан го „лови“ Несторовски!
Несторовски (29) до сега три години помина во редовите на Палермо, за чиј клуб нашиот интернационалец во Серија Б имаше учинок од 14 голови во 26 натпревари.
Претходно објавивме дека Палермо поради финансиски малверзации првично беше исфрлена во Серија Ц, но потоа беше преиначена одлуката од страна на италијанскиот Федерален суд.
Во текот на минатата сезона Несторовски и Трајковски беа блиску до целта, пласман во најдобрата италијанска лига, но безуспешно.
TMW: “Sfida tra due squadre di #serieA per #Nestorovski – i dettagli” – Ilovepalermocalcio https://t.co/PIdEuo2TAK
— I LOVE PALERMOCALCIO (@ILOVEPACALCIO) June 29, 2019
Несторовски има договор со клубот до 30 јуни 2021 година, но се шпекулира дека можно е летово Несторовски да си замине и тоа за добра сума да биде продаден со цел да му „помогне“ на клубот на финансиски план, како што и самиот истакна за италијанските медиуми.
Најновите информации велат дека Торино доби конкурент во Болоња за потписот на Несторовски, пренесува „Тутомеркато“.
А освен тие калчолигаши, истиот извор вели интерес за нашиот интернационалец покажува и еден од славните грчки клубови, Олимпијакос.