Грчкиот европратеник, Јанис Лагос, во денешната парламентарна седница во врска со ситуацијата  со емигрантите во грчките острови, го искина турското знаме, јавува агенцијата Анадолу.

На седницата на Генералното собрание на ЕП во Брисел со наслов „Хуманитарна состојба на грчките острови“, беше третирано прашањето за состојбата на бегалците во регионот.

– Не слушаме од никој да зборува во врска со ситуацијата на грчките државјани. Сите зборуваат за емигрантите, што ќе се случи со правата на грчките државјани?-, реагираше Лагос, поранешен член на партијата “Златна Зора“, сега независен пратеник во ЕП.

Тој рече дека 70 проценти од грчките државјани се против илегалната миграција.

– Од друга страна е и Турција, која прави што сака. Во напата држава доаѓаат мигранти во голем број. Треба да ставиме крај на ова-, рече Лагос и го искина турското хартиено знаме.