Грчката полиција во Солун заплени 500 илјади таблети екстази

Грчката полиција соопшти дека запленила 500.000 таблети дрога екстази во Солун и уапсила три лица. Операцијата била извршена завчера, а вредноста на таблетите на црниот пазар е проценета на 10 милиони евра.

Полицијата прво уапси 56-годишен возач на камион во кој пронашла 180.000 апчиња. Потоа запрела автомобил во кој пронашла уште 320.000 таблети екстази.

Притоа уапсени се двајца Ирачани, на возраст од 49 и 52 години, од кои едниот е жител на Холандија, а другиот на Грција. Апчињата очигледно биле произведени во Западна Европа и биле наменети за грчкиот и веројатно турскиот црн пазар, изјави неименуван полициски службеник.

Полицијата трага по уште еден возач на камион.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот