Македонската ракометна репрезентација вчера претрпе пораз од Унгарија со 29-19 во натпревар во кој одигра добро само едно полувреме.

Во првото полувреме избраничките на селекторот Грчевски беа рамноправен противник на домаќинот на првенството, но во вториот дел Унгарија заигра подобро и ја оправда фаворитската улога.

„Одигравме одличен натпревар, посебно во првото полувреме кога навистина имаше изедначена игра. Можеби малку нè потценија, а ние дадовме максимум. Второто полувреме започна малку лошо со деконцентрација во шутевите, промашувавме чисти ситуации кои моравме да ги реализираме ако сакаме да играме против вакви репрезентации, не смеевме да си дозволиме такво нешто“, истакна Грчевски.

Селекторот најави и промени во иднина во репрезентацијата.

„Има ракометарки кои покажаа дека заслужуваат да бидат тука, но има и некои кои ќе треба малку да се замислат дали навистина заслужуваат да бидат во репрезентацијата или треба уште да работат да го заслужат дресот што го носат“, истакна селекторот.

Најдобрите македонски ракометарки со пораз го завршија настапот на ЕП 2024