„Гранде“ Пандев со нов гол во Серија А! (ВИДЕО)
Македонскиот репрезентативец го постигна шестиот гол сезонава во најсилното италијанско фудбалско првенство во дресот на Џенова.
Во денешниот натпревар од 23. коло во најсилното италијанско фудбалско првенство екипата на Џенова пред своите навивачи во дуел против Каљари.
На овој меч на стадионот „Луиџи Ферарис“ не беше стартер Горан Пандев, но во 39. минута влезе во игра и само четири минути подоцна успеа да се запише во листата на стрелците.
Стураро асистираше до македонскиот репрезентативец чија намера најверојатно беше правовремено да додаде во казнетиот простор до тимските колеги. Неговите соиграчи доволно направија да го измамат противничкиот голман Крањо и дозволат таа топка да влезе во мрежата за водство.
После првото полувреме Џенова води со 1:0 против Каљари, со евентуални три бода кои би биле многу важни во борбата за опстанок.
За Пандев ова е вкупно шестиот гол сезонава во Серија А, претходно стрелаше против Рома, Сасуоло, Лече, Удинезе и Бреша.