„Гранде“ Пандев и официјално е рекордер во италијанската Серија А
Денеска Џенова во рамките од 23 коло во најсилното италијанско првенство ремизираше со резултат 2:2 против Верона.
Домаќините успеаја да дојдат до значаен бод во самиот финиш од средбата кога гостинската мрежа ја затресе Бадељ (90+4`).
Македонскиот репрезентативец Горан Пандев не беше стартер за Џенова, влезе во игра од 67 минута како замена за Стротман.
155 – Goran Pandev has become the player with the most Serie A appearances as a substitute in the three points for a win era (155), overtaking Sergio Pellissier (154). Weapon.#SerieA #GenoaVerona
— OptaPaolo (@OptaPaolo) February 20, 2021
Пандев и официјално е рекордер во Серија А, тој е играч со најмногу настапи како резерва, вкупно 155, сега еден повеќе Серџо Пелисие (154) кој веќе не е активен во фудбалот.
Клубот од „Луиџи Ферарис“ е во средниот дел од табелата, поточно на 11 позиција со 26 бодови, осум помалку од деветтопласираната Верона.
Претходно во оваа лигашка рунда Лацио со погодокот на Алберто дојде до минимален триумф над Сампдорија.