Денеска во рамките од шестото коло во најсилната шпанска кошаркарска лига составот на Хувентуд Бадалона со резултат 68:79 славеше на гостувањето кај Гран Канарија, иако после првото полувреме беше нерешено, 38:38.

Одлични перформанси покажа Ненад Димитријевиќ за скоро 23 и пол минути игра на паркетот во Лас Палмас.

??? Partidàs avui de @Neno_D7! pic.twitter.com/SWNd9Rsqhk

— Club Joventut Badalona (@Penya1930) October 26, 2019

Македонскиот интернационалец беше втор стрелец во својата екипа со 15 поени (пет скокови, две асистенции).

Подобар од него беше само Словенецот А. Омиќ со 16 поени (осум скокови, една асистенција), а кај домаќините се истакна Беиран со 24 поени (девет скокови, две асистенции).

Ова е само втора победа (по ред) за Хувентуд Бадалона и моментно е на 15 позиција со четири бодови.

Во наредното коло на домашен терен ќе игра против Обрадоиро што ќе биде одлична можност за играчите на Дуран да освојат нови бодови.