Граѓаните да бидат внимателни, зголемен ризикот од пожари на Водно

Фото: Слободен печат/ Д. Митрески

Поради зголемениот ризик за локални пожари од високите температура и портокаловата фаза со која е зафатен регионов, Град Скопје апелира до сите граѓани при посета на планината Водно, другите излетничките места и шумите да бидат внимателни со отпушоците од цигари, да одбегнуваат палење оган на отворено, како и други активности што можат да предизвикаат несакани пожари.

Завчера имаше пожар на Водно, под месноста Марково Крувче. На терен интервенираа скопските пожарникари со 9 возила и екипи од ЈП „Паркови и зеленило“, а причината за пожарот, како што велат од Град Скопје, е човечки фактор.

Оттаму апелираат доколку граѓаните забележат пожар, веднаш да пријават во Противпожарната бригада на телефон 193 или во Центарот за управување со кризи, на бројот 195.

 

Видео на денот