Манчестер сити му се одмазди на Манчестер јунајтед за поразот во Премиер лигата, триумфирајќи во првиот полуфинален дуел од Лига купот со 1:3. Со оваа победа, „граѓаните“ со едната нога се во финалето, бидејќи реваншот кој е закажан за 29 јануари ќе го играат пред своите гледачи.

„Граѓаните“ сите дилеми околу победникот ги решија во првото полувреме кога поведоа со 0:3. Во 17. минута Бернардо Силва го отвори резултатот, Ријад Марез во 33. минута ја дуплира предноста, а во 39. минута Переира си постигна автогол.

Почесниот гол за Јунајтед го постигна Маркус Рашфорд во 70. минута.
Првиот натпревар од второто полуфинале помеѓу Лестер и Астон Вила се игра утревечер.