Граѓаните ќе имаат прилика да ја видат опремата од воената вежба „Одлучен удар 19“ – Слободен печат
ВестиМакедонија

Граѓаните ќе имаат прилика да ја видат опремата од воената вежба „Одлучен удар 19“

Воедно ќе можат да го проследат фудбалски натпревар помеѓу локалната самоуправа и екипа од припадниците на армиите кои учествуваат на вежбата, а за време на настанот над стадионот ќе има прелет од армиски хеликоптери МИ-18 и УХ-60.

Возила, вооружување и опрема која се употребува на заедничката воена вежба „Одлучен удар 19″, на која учествуваат околу 2.700 војници од нашата армија и армиите на САД, Литванија, Албанија, Бугарија и Црна Гора, денеска ќе бидат презентирани пред граѓаните на Свети Николе.

Присутните на градскиот стадион во Свети Николе од 18:00 до 21:00 часот ќе имаат можност преку директна комуникација поблиску да се запознаат со опремата, постапките и процедурите кои ги извршуваат припадниците на армиите учеснички на оваа досега најголема воена вежба кај нас.

Воедно ќе можат да го проследат фудбалски натпревар помеѓу локалната самоуправа и екипа од припадниците на армиите кои учествуваат на вежбата, а за време на настанот над стадионот ќе има прелет од армиски хеликоптери МИ-18 и УХ-60.

Вежбата која повеќе од еден месец ќе се изведува на армискиот полигон „Криволак” има за цел зајакнување на стандардните оперативни процедури на единиците од составот на армијата, подобрување на интероперабилноста и унапредување на заемното разбирање и доверба и зајакнување на меѓусебната соработка.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close