Составот на Пеп Гвардиола оваа натпреварувачка сезона 2020/2021 има навистина добри резултати и со сериозни амбиции да освојуват трофеи во повеќе натпреварувања.

Вечерва обезбедија четвртфинале во Лигата на шампионите откако двапати фудбалерите на Манчестер сити го совладаа тимот на Борусија Менхенгладбах.

И според предвидувањата на светските обложувалници премиерлигашот од „Етихад“ има најголеми шанси да се искачи на европскиот трон.

Во Премиер лигата е на добар пат да го освои првото место, моментно има 71 бод, 14 повеќе од второпласираниот Манчестер јунајтед.

На 25 април ќе го играат финалето во Лига купот во Лондон на „Вембли“ стадионот против Тотенхем. А воедно се борат и за трофеј во ФА купот, таму на 20 март во четвртфиналето ќе ги одмери силите со Евертон.

Шансата за освојување на сите тие натпреварувања постои, иако Гвардиола не верува дека тоа може да се случи.

– Четири трофеи се утопија. Тоа никогаш не се случило и мислам дека нема ни да се случи – вели Гвардиола.

A dominant display! ?

? #ManCity | https://t.co/axa0klD5re

— Manchester City (@ManCity) March 16, 2021