„Граѓаните“ го капарисаа португалскиот суперталент
Англискиот шампион Манчестер сити ќе ја активира откупната клаузула и за 120 милиони евра ќе го купи фудбалерот на Бенфика, Жоао Феликс, објави весникот „Ас“. Според весникот, Португалецот веќе се договорил да потпише петгодишен договор кој ќе му носи по пет милиони евра годишно.
Жоао Феликс имаше одлична сезона во дресот на Бенфика со постигнати 20 голови и 11 асистенции, по што го сврте вниманието на најбогатите екипи како Реал Мадрид, Атлетико Мадрид, Ливерпул, Манчестер јунајтед, Јувентус, ПСЖ…
Реал Мадрид понуди 80 милиони евра со можност уште една сезона да остане во португалскиот тим но понудата беше одбиена. И Атлетико Мадрид понуди 120 милиони евра обесштетување исто како и Манчестер сити, а Жоао Феликс избра да игра за Пеп Гвардиола.
На Бенфика не и успеа намерата да потпише нов договор со Феликс за да ја зголеми откупната клаузула.