Во шпанската јавност денеска внимание привлече изјавата на фудбалерот на Реал Мадрид, Винисиус Жуниор кој изјави дека на Шпанија треба да и биде одземена организацијата на Светското првенство поради расизам.

Често пати Винисиус се соочува со разни расистички навреди од трибините и на тоа не останува должен и бурно реагира. Сега градоначалникот Хозе Луис Алмеида смета дека претерал со својата изјава.

„Во борбата против расизмот Винисиус доби поддршка од голем број Шпанци и ние сме на негова страна кога не нарекува расисти. Барам веднаш да се извини за својата изјава. Ако е добар фудбалер, не значи дека смее да прави вакви грешки. Треба да е благодарен и воодушевен што живее во еден од најубавите градови во светот. Во Мадрид никој не го прашал од каде е, ниту пак го навредил“, изјави Алмеида.

Винисиус за проблемот со расизмот: Ако продолжи на Шпанија треба да ѝ се одземе Мундијалот во 2030