Градоначалникот на Лерин им препорачува на неговите сограѓани да ги ограничат патувањата во С. Македонија

Ги молам и им препорачувам на моите сограѓани да го ограничат нивното движење кон Северна Македонија, вели градоначалникот на Лерин (Флорина) Василис Јанакис во неговата писмена изјава, додавајќи дека неслучајно Грција забранила влез за државјани од соседната земја, јави дописничката на МИА од Атина.

Јанакис истакнува дека „коронавирусот постои, не исчезна”, а опасноста од заразување „е видлива и секојдневна”.

-Не е воопшто случајно што Грција забрани влез во нашата земја за жителите на Северна Македонија, поради високата раширеност на коронавирусот во оваа земја. Треба да го заштитиме сето она што го постигнавме со многу напор, жртвувајќи дел од нашите слободи за да бидеме здрави. Ги молам и им препорачувам на моите сограѓани да го ограничат нивното движење кон оваа земја и кога е неопходно и излегуваат од нашата земја точно да се придржуваат до сите мерки за безбедност (дистанца, маска, ракавици, добро миење на рацете) за да не го увеземе коронавирусот, вели градоначалникот на Лерин

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот