Градоначалникот на Карпош, Стефан Богоев во понделник ќе ги посети Соединетите Американски Држави на Националниот молитвен појадок, чиј покровител е претседателот на САД, Доналд Трамп.

Богоев на Фејсбук најави средби со повеќе конгресмени, како и со претставници на National Democratic Institute и International Republican Institute (IRI).

-Овој настан обединува повеќе од 3.500 гости, светски лидери, претставници на бизнис секторот, верски водачи и истакнати личности кои зборуваат на политички и социјални теми- напиша Богоев на својот Фејсбук профил.

Пред два дена своето учество го потврди и Николоски.

Молитвениот појадок се одржува уште од 1953 година секој прв четврток во февруари. Идејата е на Абрахам Вереида, методист од норвешко потекло.