Градоначалникот на Делчево позитивен на Ковид-19 вирусот

Градоначалникот на Делчево, Горан Трајковски е позитивен на Ковид-19 вирусот. Веста Трајковски ја соопшти на својот официјален фејсбук-профил во кој вели дека своите обврски во наредниот период додека трае изолацијата ќе ги извршува од дома.

– Почитувани сограѓани, чувствувам обврска да ве известам дека и покрај сите мерки на претпазливост, по направениот брз тест за Ковид-19, резултатот од моето тестирање е позитивен. Ве известувам дека гарантирајки ја здравствената сигурност на граѓаните, до завршување на периодот на лекување, работните обврски ќе ги извршувам од дома, истакна Трајковски.

Градоначалникот на Делчево е вториот градоначалник од регионот кој е позитивен на Ковид-19 вирусот. Претходно од коронавирус се излекува градоначалникот на Берово, Звонко Пекевски.

Во Делчево во последната недела е забележливо зголемување на бројот на новозаболени од Ковид-19. Само во текот на вчерашниот ден регистрирани се 16 нови случаи на коронавирус.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот