Градинка за 175 деца ќе се гради во Волково – Слободен печат
ВестиСкопје

Градинка за 175 деца ќе се гради во Волково

„Волково ќе добие најмодерен објект за едукација на најмладите на место каде што воздухот е најчист, со што значително ќе се намали бројот на дечиња кои чекаат за упис во градинка“, се вели во соопштението од општина Ѓорче Петров

Денеска на јавна расправа беше презентиран проектот за градинката која треба да се гради во населеното место Волково, во Ѓорче Петров. Градинката ќе биде со капацитет од 175 деца поделени во осум занимални (од 0 до 6 години) и истата се очекува да биде завршена во наредната година и половина. Околу местото кое е предвидено за градинка во Волково нема други објекти, освен ниски куќи, парцели на кои е предвидена изградба, исто така на ниски куќи, и пристапна улица.

Изградбата на градинката е дел од „Проектот за условени парични надоместоци (УНП Проект)“  кој се реализира од Министерството за труд и социјална политика, со финансиска поддршка од Светска Банка, а се однесува на зголемување на капацитетите за сместување деца од предшколска возраст. Договорот за старт на подготовките за изградба денеска беше потпишан во Владата.

„Волково ќе добие најмодерен објект за едукација на најмладите на место каде што воздухот е најчист, со што значително ќе се намали бројот на дечиња кои чекаат за упис во градинка“, се вели во соопштението од општина Ѓорче Петров.

-Во преговори сме за доградба и на градинката „Детелинка“, а преку договор за јавно-приватно партнерство со министерствата за труд и социјална политика и за здравство, при крај сме се подготовките за старт на изградба на градинката во Дексион. Советот на следната седница се очекува да дебатира и донесе одлука која форма на ЈПП ќе се примени за тоа. Во Дексион очекуваме изградба на градинка за 125 деца, со што остваруваме уште едно ветување во однос на капиталните објекти во Ѓорче Петров, по најавата за изградба на клинички центар во Веле Поле и регулација на коритото на реката Лепенец по современи стандарди, што очекуваме да стартува на почетокот на следната година – рече Наумоски на јавната расправа.

Очекувањата се дека до Нова Година ќе биде избран најсоодветниот изведувач и дека некаде кон март следната година ќе стартува изградбата. Тоа значи, зависно од временските услови и динамиката на работата на изведувачот, дека за околу година и половина проектот ќе биде завршен – додаде Наумоски.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close