Компаниите од градежниот сектор стравуваат дека веќе во април би имале проблем со ликвидноста и оти за брзо време градежништвото може да биде дел од најзасегнатите сектори поради што од Стопанската комора на Македонија бараат превентивно да се делува затоа што краховите во овој сектор најчесто доведуваат до трајни загуби.

Од таму велат дека во наредниот период се очекуваат и проблеми околу увозот на градежни материјали поради ограничените услови, но и поради престанокот на работа на фабриките.

Во вакви околности, компаниите од Здружението на градежништвото, индустријата на градежни материјали и неметалите при Стопанската комора на Македонија ги ставаат на услуга на државата целокупните капацитети, подготвени за целосен ангажман и секојдневно искористување на нивните капацитети и ги нудат на располагање на државата целокупните нивни оперативни капацитети, опрема и механизација.

Градежниот сектор вработува седум проценти од вкупниот број вработени во македонската економија и во изминатите години беше една од главните движечки сили за нејзин раст.