Градена со векови, Нотр Дам е симбол на Париз и Франција - Слободен печат
ВестиПланета

Градена со векови, Нотр Дам е симбол на Париз и Франција

Катедралата е со импозантни пропорции, посебно ако се земе предвид периодот кога била изградена.

Париската катедрала Нотр Дам, која вечерва ја зафати голем пожар, од што се урна една од кулите, како и покривот на тоа монументално здание, се смета за еден од најдобрите примери на француската готска архитектура.

Изградбата почнала во 1160 година, а во најголем дел била завршена 100 години подоцна.

Катедралата е со импозантни пропорции, посебно ако се земе предвид периодот кога била изградена. Таа е долга 128 метри, широка 48 а нејзините кули се високи 69 метри. Катедралата е позната по многу украсни делови, а најмногу по насликаните прозорци.

Нотр Дам минала низ многу промени во текот на историјата, а голема штета претрпела за време на Француската револуција, кога значителен број религиски слики и склуптури биле оштетени, или значително оштетени.

За време на ослободувањето на Париз од нацистите, катедралата претрпела мала штета од куршумите кои завршиле во нејзината фасада. Но никогаш во историјата не претрпела толку драматично оштетување како од овој голем пожар, кој се уште беснее.

Кон средината на 19 век е спроведена првата голема реставрација на катедралата, која траела цели 25 години, а во 20 век следуваа уште две големи обнови.

Минатата година, Католичката црква во Франција упати итно барање за финансиски средства за спасување на катедралата, која почна да се урива.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close