Град Скопје и УКИМ ќе основаат Фондација „Развоен институт Скопје“

Град Скопје и Универзитетот „Св. Кирил и Методиј” ќе формираат Фондација „Развоен институт Скопје“. Двете институции, како што најавуваат од градот, би имале подеднаков придонес во основачкиот влог, односно просторот за функционирање на Фондацијата би го обезбедил УКИМ, а програмското работење би било финансирано од Град Скопје.

Одлуката за формирање на Фондацијата треба да биде разгледана на следната 63-та седница на Советот на Град Скопје.

– Целта на ваквото здружување е да се обезбедат нови алатки на Градот за соочување со предизвиците, преку податоци и следење на резултати, а да се стави во функција академскиот потенцијал и искуства, особено во делот на урбанистичкото планирање. Фондацијата би отворила нови можности за дејствување, за соработка, за финансирање и за инвестирање, како и подобар пристап до финансиска поддршка за инвентивни концепти за одржлив развој на град Скопје, се вели во соопштението од Град Скопје.

Прочитајте и...  Парижани не ги почитуваат здравствените мерки, полицијата интервенира на кејовите на Сена

Процесот на формирање на оваа Фондација, како што се посочува, би започнал со изготвување на сите формално-правни документи за основање, како што се актот за основање на Фондацијата, статутот, програмата за дејствување, одлуката за избор на органи на Фондацијата, како и изготвување предлог организациска структура, финансиски план и програма за работа.

Поврзани вести

Брнабиќ: Фотографиите од убиствата не беа многу страшни, има и пострашни

Слободен печат

Растурена свадба во хотел во Тетово

Слободен печат

Австрија ја суспендираше вакцината Астра зенека

Слободен печат

Коневски очекува отчет од Мицковски пред делегатите

Слободен печат

Зошто жените губат во градоначалничката трка?

Весна Тодоровска

Шахпаска: Преку Законот за родова еднаквост ја зајакнуваме улогата на жените во секоја сфера на општественото живеење

Слободен печат

Остави Коментар