14 C
Скопје

Град Скопје ги потсетува граѓаните да аплицираат за субвенционирано чистење оџаци

Во тек е јавниот повик за доделување субвенции на домаќинствата и на други субјекти за чистење оџаци, како една од мерките за намалување на последиците од загадувањето на воздухот, потсетуваат од Град Скопје.

Со оваа мерка, како што велат, Градот ќе надомести дел од трошоците на домаќинства и на други субјекти за чистење на оџаците, во нето износ најмногу до 1.200 денари, а за субвенции можат да достават барање физички и правни лица чие живеалиште, односно седиште е на подрачјето на Град Скопје.

-Субвенциите важат и за исчистени оџаци од 01.01.2020 година, a Јавниот повик трае заклучно со 30.11.2020 година, и ќе биде реализиран по принципот „прв дојден прв услужен”, односно до реализирање на средствата предвидени за оваа намена со Буџетот на Град Скопје за 2020 година. Повеќе информации за јавниот повик може да се добијат на – https://skopje.gov.mk/media/4997/javen-povik-cistenje-odzaci-2020.pdf, информираат од Град Скопје и додаваат дека е препорачливо оџаците да се чистат три пати годишно, двапати во текот на грејната сезона и еднаш кога е таа завршена.

Град Скопје оваа мерка веќа ја реализираше во 2018 и 2019 година, кога беа доделени вкупно 634 субвенции. Тогаш висината на субвенцијата изнесуваше најмногу до 1.000 денари.

Поврзани вести

ЕУ го одобри планот за закрепнување на Унгарија

Слободен печат

305 санкционирани возачи на мотоцикли на територијата на цела држава

Слободен печат

ВИДЕО: Израел го срамни со земја домот на највисокиот оперативец на Хамас

Слободен печат

18 прекршување на забраната за движење, 441 санкции за неносење маска

Слободен печат

Обвинение против Гостиварец за ширење расистички и ксенофобичен материјал на Фејсбук

Слободен печат

Вонредна состојба во три сојузни држави во САД: Бензинските пумпи почнаа да остануваат без гориво

Слободен печат

Остави Коментар