Грабар-Китаровиќ: Не сакам ниту да размислувам за евентуално паѓање на Владата – Слободен печат
ВестиРегион

Грабар-Китаровиќ: Не сакам ниту да размислувам за евентуално паѓање на Владата

Изјавата на хрватската претседателка доаѓа откако се почесто во јавноста се спомнува можноста од предвремени избори.

Хрватската претседателка Колинда Грабар-Китаровиќ денеска изјави дека за евентуално паѓање на Владата на Андреј Пленковиќ не сака ни да размислува, бидејќи станува збор за хипотетичко прашање.

– Не учествувам во тие преговори, но верувам дека сите размислуваат дека стабилноста на Владата е важна не само во контекст на претседавањето на Хрватска со Европската унија, туку и за продолжување на позитивните макроекономски трендови, посочи таа.

Изјавата на хрватската претседателка доаѓа откако се почесто во јавноста се спомнува можноста од предвремени избори, откако коалицискиот партнер на ХДЗ  – Хрватската народна партија (ХНС) му порача на премиерот Андреј Пленковиќ дека ќе ја напуштат коалицијата доколку не се најдат финансиски средства за поголеми плати на вработените во училиштата.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close