Готвиме со Маја: Печени крилца со сос
Популарната млада готвачка Маја денеска ви препорачува вкусен и интересен рецепт во две варијанти, печени крилца со сос, познат и рапространет во американската кујна.
Погледнете како вештата и инвентивна Маја ги подготвува превкусните јадења.
Состојки:
Крилца Перутнина Птуј
Сок од 1/2 лимета
1 лажица путер
1 лажица Подравка сенф
1/2 Долчела пециво
1 лажица брашно
Допир Вегета Маестро кари
2 лажички Вегета Маестро лук
Допир Вегета Маестро ѓумбир
Сол и бибер
2 лажици маслиново масло
Чили Сос
60 г путер
1 лажица кафеав шеќер
1 лажица алкохолен оцет
1 лажица мед
5 лажици чили сос
1/2 лажичка Вегета Маестро чили
Сол и бибер
Сос од плаво сирење
1 плаво сирење
2 лажици павлака
1 лажица мајонез
2 чешниња лук
1 лажица сок од лимета
Бибер
Подготовка
- Крилцата се ставаат во кеса и се додава сок од половина лимета и убаво се масираат.
- Се додава стопен путер, сол и масло и се продолжува со масирање а на крај се додава сенф.
- Во подлабок тањир се меша брашното, пецивото и зачините.
- Смесата се додава во ќесата и повторно се масираат крилцата.
- Тавата за печење се обложува со двострана фолија за печење со алуминиум и се редат половина од крилцата.
- Се печат во загреана рерна на 230 степени 25 минути
- Останатите крилца се пржат во загреано масло.
Чили сос
- Се топи путерот и се додава кафеавиот шеќер и се прави карамел.
- Во карамелот се додава алкохолен оцет и се допржува а потоа се додава мед и чили сосот и зачините.
- Сето тоа убаво се доварува и се остава да се лади.
Сос од плаво сирење
- Плавото сирење се раздробува и се става 30 секунди во микробранова да се растопи.
- Се меша павлака, мајонез, здробен лук и се додава на сирењето а потоа и сок од лимета и бибер.