Готвач открива како да направите совршено крем бруле од само 3 состојки (ВИДЕО)
Готвачот аматер, Шеф Шакил, на „Tik Tok” објавил туторијал како да направите совршено крем бруле, кој е прегледан повеќе од еден милион пати, пренесува „The Sun”.
Крем брулето е веројатно најпознатиот и најпопуларен француски десерт кој се прави ширум светот.
Се што ви е потребно за него се половина шолја сладолед од ванила, 1 јајце и 1 лажичка шеќер, како и сад за сервирање – овие мерки се за една порција крем бруле.
@shefshaqYou do NOT need a blow torch. ? ##food ##foodlover ##easyrecipes ##quickrecipes ##foryou ##foryoupage ##fyp ##baking
„За почеток истопете го сладоледот во микробранова печка, а потоа додадете жолчка во секоја порција која ја приготвувате. Јас правам две порции па затоа користам две жолчки. Ставете го сладоледот во секоја од порциите и измешајте, а во меѓувреме ставете малку топла вода во длабока тава за печење.
Ставете ги садовите со крем бруле во водата и печете на претходно загреана рерна на 160 Целзиусови степени, 45 минути. Извадете ги, оставете да се изладат на собна температура, а потоа прекријте ги со стреч фолија и оставете ги во фрижидер најмалку 2 часа.
Следниот важен чекор е правењето на крцкавиот карамел.
„Растопете малку шеќер на тивок оган додека не се карамелизира и додека е се уште течен, налејте го на врвот на секој сад. Морате да бидете брзи пред шеќерот да се стврдне”, советува готвачот.