Околу ваков трансфер се шпекулираше во изминатиот период, а сега медиумите од Апенините пренесуваат дека сè е готово.

Џеко има уште една година од договорот со Рома, до сега немаше разговори околу продолжување на соработката, па остана јасно дека ова лето ќе го промени клубот.

According to Sky Sport Italia, Dzeko has agreed to join Inter. The 2 clubs have to now agree on terms ? pic.twitter.com/ubMRi0hhvL

— Italian Football TV (@IFTVofficial) May 25, 2019

Во „Вечниот град“ дојде пред четири години за 15 милиони евра од екипата на Манчестер сити. Оваа сезона босанскиот интернационалец за римскиот клуб постигна 14 голови и запиша 11 асистенции во 39 натпревари, со девет погодоци во Серија А.

На „Џузепе Меаца“ би биле повторно тимски колеги со Раџа Наинголан кој минатото лето го замени Рим со Милано.

На клупата на Интер ова лето ќе седне Антонио Конте, јасно е дека негова желба беше Един Џеко чии услуги ги посакуваше и во Челзи.