Господин Тимотеј: Следниот месец очекуваме да бидеме повикани во Цариград

портпаролот на Синодот на МПЦ-ОА, Тимотеј во изјава за „Слободен печат“
Фото: Архива на „Слободен печат“

Портпаролот на Синодот на МПЦ-ОА коментирајќи ја за „Слободен печат“ вчерашната средба меѓу Вселенскиот Патријарх Вартоломеј и македонската политичка делегација, вели дека црквата очекува решение.

– Во секој случај, како црква очекуваме позитивни реакции и решение, поради тоа што Вселенскиот Патријарх наговестува дека ќе организира средба. Очекуваме да бидеме повикани таму идниот месец, поконкретно. Ниту сме седнале првпат со Српската црква, ниту последен пат – ни изјави господин Тимотеј.

Во официјалното соопштение на Вселенската Патријаршија, стои дека Патријархот Вартоломеј ја примил делегацијата на Македонија на нејзино барање и дека со цел да се реши проблемот на непризнаената МПЦ, одлучил да се поканат во седиштето на Вселенската Патријаршија претставници од Српската Православна Црква и од МПЦ-ОА за советување и за обид за изнаоѓање на заеднички прифатливо решение.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот