„ГОСПОДИН НИКОЈ“, нов кандидат за претседател на Хрватска (ВИДЕО)
Анонимен гејмер од Нин кој себеси се нарекува „Господин Никој“, на Јутјуб ја објави својата кандидатура за претседател на Хрватска, а лицето на снимката го заматил, со цел да остане „никој“.
Тој во соопштение за медиумите навел дека како „најпозитивен политичар според изборот на граѓаните“ одлучил да и се обрати на јавноста преку Јутјуб и да се кандидира за претседател, пренесува Н1.хр.
„Никој“ наведува дека одлучил да се вклучи во кампања за претседателските избори под слоганот „Ја ресетираме Хрватска“, а неговата главна цел е да ги разбуди младите и да обрне внимание на нивните проблеми.
– Иако овластувањата на претседателот с еограничени, сметам дека низ денешните канали на комуникација претседателот може и мора да врши притисок врз Владата и Парламентот за да се спроведуваат мерки кои, меѓудругото, би имале за цел спречување на демографска катаклизма. Веќе со месеци господин Никој е еден од најпозитивните политичари во Хрватска и е на самиот врв според симпатиите на граѓаните. Поттикнат од својата популарност, господин Никој смета дека е негова должност и одговорност да се кандидира за претседател на Хрватска – рече господин Никој.
„Никој“ вели дека е хардкор гејмер, вљубеник во алпинизмот и качувањето, како и дека се залага за културата на паметните градови. Тој е роден во Нин, има сопруга и син.