Денес, околу 13 часот избувнал голем пожар во густа борова шума меѓу Врбањ и Дол на островот Хвар во Хрватска, јавуваат регионалните медиуми. Според новинските извештаи во 13.40 часот, пожар избувнал и кај Застражишќе, а пожарникарите побарале помош од канадери кои пристигнале и учествуваат во гасењето. Засега медиумите пренесуваат дека неофицијално едно лице го загубило животот во пожарите.

Хрватското министерството за одбрана на својот официјален профил на Твитер објави дека испратило два канадера.

„Интензивно го следиме пожарот преку системот за надзорни камери, немаме информации за директна закана за објектите“, изјавил началникот на пожарната жупанија Иван Ковачевиќ, пренесува Јутарњи лист.

Uz već angažirana 3️⃣ Canadaira CL-415 na gašenju 🔥 požara  na području Vrbanj – Dol na otoku Hvaru, dodatno su angažirana i 2️⃣ Air Tractora AT 802 iz sastava #PPNOS #HV pic.twitter.com/H1reu5S48W

— MORH/MoD Croatia (@MORH_OSRH) August 7, 2022

Според него во гасењето на пожарот се вклучени сите капацитети на островот.

Во моментов нема официјални информации за загрозени објекти, но според снимките и фотографиите се гледа дека гори во близина на куќите.