Работиме во рестриктивен режим, само со неопходни интервенции. Генерално мерките за претпазливост и пред КОВИД-19 се практикуваа. Сега е поразлично што изменет е редот во чекалните, пациентите ги закажуваме на поголемо временско растојание. Пополнуваат анкетен лист и потпишува согласност дека е свесен дека се работи во услови на коронавирус, изјави за „Утрински брифинг“ на „Слободна ТВ“, Ана Ѓоргова, стоматолог.

Пораст на цените на стоматолошките услуги.

-Некои работи можат да се одложат (естетските интервенции на забите), но има и зафати кои не можат да чекаат. Сега и децата се запишуваат во прво одделение, па апелирам да се прифатат потврдите и од приватните стоматолози за да се избегнат гужвите во останатите ординации. Цените на услугите неминовно ќе растат, поради дополнителните трошоци кои ги имаме, вели Ѓоргова.