Капитенот Никола Ѓоргиев повторно беше лидер на репрезентацијата во победата над Словенија од 3:1. По неколкуте порази во Европската лига, конечно дојде време за наплата на долгот, и тоа на најубавиот можен начин, среде Љубљана.

– Брат, виде ли како ги тепавме среде Словенија. Двапати ги водевме 2:1 во сетови и на крајот загубивме со 2:3, но сега тоа се врати. Ние имаме срце како планина. Како минуваше времето, знаев дека ќе играме уште подобро. Ние можеме, ние знаеме и никогаш не губиме и не играме лошо во одлична атмосфера. Многу сум среќен, сакав да заплачам, но немам солзи од замор. Ова е најдобриот натпревар и психички најтешкиот за нас. Едноставно немаше слаб играч во нашата репрезентација – изјави капитенот.