Ѓорческа се закити со титула во Шпанија

Лина Ѓорческа не се закити со трофеј во Ираклион/фото: приватна архива

Ѓорческа денеска во големото финале на турнирот во Шпанија, поточно во Гечо заедно со Анастасија Комардина славеа со 2:0 за скоро еден и пол час игра.

Во завршната битка за титулата, нашата натпреварувачка и Комардина од Русија триумфираа по сетови 6:3 и 7:6 (4) против Ванда Лукаш (Унгарија) и Нина Стадлер од Швајцарија.

На патот до финалето, најпрвин во првото коло Ѓорческа и Комардина ги елиминираа Јоана Лоредана Роска (Романија) и Сандра Самир (Египет) со 7:6 (1), 5:7, 10:5.

Потоа, во четвртфиналето беа совладани шпанските тенисерки Ирене Буриљо Ескорихуела и Андреа Лазаро Гарсија убедливо со 6:2 и 6:0.

И во претпоследната пречка доминираа и им препуштија само еден гем на вторите носителки на турнирот, Гиомар Маристани Зулета де Реалес (Шпанија) и Деспина Папамихаил.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот