Ѓорческа ја освои титулата во Анталија – Слободен печат
ОстанатoСпорт

Ѓорческа ја освои титулата во Анталија

Најдобрата македонска тенисерка повторно се закити со трофеј во дубл, овојпат на турнирот во Турција вреден 15.000 илјади американски долари.

Лина Ѓорческа денеска славеше во Анталија во големото финале во двојки заедно со Хрватката Маријана Дражиќ (први носителки).

Во битката за трофејот Ѓорческа и Дражиќ со резултат 7:5, 4:6, 10:7 триумфираа против вторите носителки кои доаѓаат од Холандија, Ева Ведер и Стефани Џудит Вискер.

На патот до финалето Ѓорческа и Дражиќ славеа победи уште во првото коло против Русинките Аделина Барави и Викторија Михајлова (6:2, 6:2), потоа во четвртфиналето против Лиа Каратанчева (Бугарија) и Мелис Ајда Ујар (Турција) со 6:1 и 6:2 и во полуфиналето над третите носителки Џени Дуерст (Швајцарија) и Јоана Гаспар (Романија) со 6:3 и 6:4.

На овој турнир нашата натпреварувачка играше и во сингл конкуренцијата (втора носителка) и стигна до полуфиналето каде што беше поразена од осмата носителка Магдалена Пантукова (Чешка) со 1:6 и 2:6.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close