Горбачов: Светот се наоѓа во опасна ситуација, ова личи на вистинска војна – Слободен печат
ВестиПланета

Горбачов: Светот се наоѓа во опасна ситуација, ова личи на вистинска војна

Добитникот на Нобеловата награда за мир оцени дека „заштитата на мирот е клучна за совладување на глобалните проблеми.

Последниот советски претседател, Михаил Горбачов, наскоро ќе објави нова книга – својот политички тестамент.

Горбачов, во својата книга ќе ја изложи својата визија за 21. век.

„Иднината на глобалниот свет“, дело на поранешниот претседател кој денеска има 88 години, на 23. септември ќе биде објавено во Германија и на 2. септември во Франција.

– Светската политика се наоѓа на опасен раб. Сегашните воени активности личат на вистинска војна – предупредува Горбачов во делови од книгата кои ги откри неговиот издавач.

Добитникот на Нобеловата награда за мир оцени дека „заштитата на мирот е клучна за совладување на глобалните проблеми како криза на животната средина, меѓународниот тероризам, миграција и сите останати предизвици кои се во средиште на интересот на државата и меѓународните организации“.

Неговата книга ќе биде објавена пред триесетгодишнината од падот на Берлинскиот ѕид на 9. ноември, кога Горбачов беше на чело на СССР.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close