Според собранискиот Деловник ВМРО-ДПМНЕ нема потреба да собира никакви потписи од граѓани, со кои наводно ќе го блокира пописот, бидејќи нивната пратеничка група може во секое време да поднесе било какво предлог-законско решение – вели за „Слободен печат“ Горан Мисовски, потпретседател на Собранието од редовите на НСДП.

– Обидот за собирање потписи е во функција на консолидација на ВМРО-ДПМНЕ. Целта на партискиот лидер Христијан Мицкоски е преку една ваква иницијатива да ја тестира партијата, односно да види колкава му е поддршаката кај општинските комитети, бидејќи нема целосна доверба во нив. Иницијативата за „паѓање“ на Законот за попис е внатрепартиска пресметка, на сметка на статистичка операција од која зависи иднина на државата. Со пописот освен што ќе се преброиме, ќе се утврдат и параметрите – како понатаму ќе се креираат економските, образовните културните и здравствените политики – вели Мисовски.