Големо реми на Шкендија во Стокхолм, идната недела во Скопје игра за плеј-оф во Лигата на конференции

Фото: EPA-EFE/Ali Lorestani

Фудбалерите на Шкендија продолжуваат со одличните игри во квалификациите за пласман во Лигата на конференции и во првиот натпревар од третото коло одиграа 1:1 во Стокхолм против АИК и во реваншот кој идниот четврток ќе се игра во Скопје, имаат одлична можност да обезбедат пласман во плеј-офот.

Тетовските „црвено-црни“ натпреварот го започаа фантастично, поведоа по само 26 секунди игра откако Ферхан Хасани успеа да одзеде една топка во половината на шведскиот тим и потоа со прецизен удар од работ на шеснаесетникот да ја затресе мрежата на Кристофер Нордфелд.  АИК до израмнување дојде во 17 минута и тоа со голот на Џон Гуидети.

Во продолжение од натпреварот, мрежите мируваа иако и двете екипи имаа свои шанси и патникот во бараж двомечот за пласман во групната фаза во Лигата на конференции ќе го одлучат во реваншот кој ќе се игра идниот четврток в Скопје.

Видео на денот