Денеска во центарот на Киев илјадници демонстранти се собрале за да изразат незадоволство од растечката автономија на проруските сепаратистички области што би можеле да „оживеат“ како дел од мировните напори на претседателот Владимир Зеленски, јавуваат локалните медиуми.

Според полицијата, на плоштадот во Киев, Мајдан имало меѓу 4.000 и 5.000 демонстранти извикувајќи: „Нема капитулација! Не за амнестија!“ и со транспаренти на кои пишувало „Војната продолжува“, додека некои извикуваа непријателски пароли против Зеленски.

„Сите ние сакаме мир, но мирот и капитулацијата се две различни нешта. Луѓето не умираа заради ова“, рече демонстрантот Микола, кој, како што рече, се борел против сепаратистите на истокот на земјата во 2014 и 2015 година.

Мировниот процес во источна Украина, каде што конфликтот меѓу украинските и проруските воени сили однесе речиси 13.000 животи во 2014 година, во последниве месеци бележи одреден напредок.