Оскаровецот Бен Афлек (47) неодамна во јавноста се појави со седа брада и коса, меѓутоа во понеделникот холивудскиот ветеран изгледал многу посвежо и имал темна брада, што многумина изненади.

Бен бил забележан како се шета во Пацифик Палисада со својата 32-годишна девојка и актерка Ана Де Армас која ќе се појави во новиот филм на Џејмс Бонд „No Time To Die“, чија премиера е поместена поради коронавирусот.

Парот изгледал многу среќно додека се шетал и постојано разменувал нежности.

Тоа што шокираше многумина е фактот дека Бен повеќе ја нема седата брада, туку има потемна коса и брада, а фановите се прашуваат дали само се офарбал или добро избричил и ја скратил косата.

Парот неодамна ја подигна врската на повисоко ниво кога Бен ја запозна Ана со своите деца Виолет (14), Серафина (11) и Семјуел (8), кои ги има со поранешната сопруга Џенифер Гарнер (48).

Странските медиуми пренесуваат дека Џенифер е многу среќна што Бен повторно се забавува и се оддалечил од пороците.

„Џенифер е неверојатно среќна што таткото на нејзините деца е среќен и задоволен со животот“, тврди извор близок на актерката.

Афлек и Армас се запознаа на снимањето на еротскиот трилер „Deep Water“, во кој играат пар и поради таа причина веднаш се зближиле. Парот не крие колку се заљубени, а пред пандемијата тие заминаа на романтично патување во родната Куба на Ана, но ја посетија и Костарика.